USUB 雲斯
智能燈光窗簾 品味生活倍添
做過嘅場，先係最實在嘅介紹
由淺水灣到西貢獨立屋——簾、燈、系統，同一隊人由度尺做到交收。
實景二十年 Lutron，唔使拉過電線
二十年前嘅有線系統，網關壞咗、原廠零件難尋。我哋冇全屋重做——拆走舊掣、換上無線場景掣，原有線路唔使動。
實景整幅牆蜂巢簾，兩邊燈帶勾邊
成幅牆嘅蜂巢簾，兩側用燈帶勾邊。簾盒同燈槽要一次過度——分開兩間公司做，多數會一高一低。
實景九個空間，一套光同簾
由客廳夢幻簾、走廊燈框到青空燈，逐個空間度身。全屋燈同簾行同一套場景——呢層先最花功夫。
實景簾軌跟住弧走，燈帶收埋同一條槽
弧形天花唔可以用直軌硬駁——軌要跟住個弧屈，燈帶再收入同一條槽。簾同燈唔係兩間公司分開做，先夾得到位。
實景獨立屋，每幅簾度身訂造
連泳池嘅獨立屋——摺門大開口、斜頂天窗，每一個窗都唔標準，每一幅簾都要度身砌。
實景冇窗嘅浴室，一樣有天光
天花裝青空燈，出到近似天窗嘅光。冇窗嘅位都做到日光感——開孔要同冷氣位、灑水頭一齊夾。
實景轉角位兩幅窗，簾要收得埋
轉角落地窗兩幅夾埋，簾收埋唔可以食住個角——收簾位要各自預定，望出去維港同條橋先完整。
實景天花轉彎，光同簾一齊轉
客廳天花做成弧形，冷光燈槽同簾軌都要跟住個彎行。兩隊人分開做，個彎位一定對唔上。
實景簾、燈槽、吊燈，同一格入鏡
成幅落地窗嘅橫紋簾，配天花暖光燈槽同長條吊燈。三樣嘢一齊設計，夜晚開燈之後啲層次先夾得埋。
實景六幅窗連做，高度要一致
一排六幅窗，每幅蜂巢簾放到同一個高度先靚。逐幅獨立調校，睇落先似一整幅——差半吋都睇得出。
實景燈帶勾住每一個摺位
弧形飄窗嘅摺簾，燈帶沿住簾頂走。夜晚著燈，成排摺位嘅輪廓就勾咗出嚟——簾同燈一齊度先做得到。
實景拱形窗，冇現成尺寸
黑框拱窗唔係標準呎吋，市面買唔到啱嘅簾。木百葉逐條度身裁，先食得住個弧。
落單之前，先睇我哋點樣講真話
每份指南都寫埋「邊啲情況我哋會叫你唔好做」——攞去問任何公司都用得，包括問我哋。
體驗智能家居的生活
最新資訊View All >
USUB 全系簾・Thread 智能電動：10 款簾型訂造，簾同燈一齊設計
10 款簾型訂造電動，簾同燈一齊設計。供電同控制分開寫，買 Thread 貨之前自己驗三樣嘢。
Apple 家居新品香港買唔買到？HomePod mini 2、Apple TV 4K、HomeView、Home Collection 價錢同日期（2026）
HomePod mini 2 同 Apple TV 4K 香港有得買；HomeView 同 Home Collection 首批冇香港。價錢、日期、香港屋企要留意嘅四樣嘢。
電動窗簾入唔入到 Apple 家庭？Matter、Thread 同「唔使 hub」嘅真相
簾、燈、系統——同一隊人，由度尺做到交收。
市面窗簾鋪唔掂燈，智能公司唔掂簾。USUB 三瓣一齊落手：2018 年成立，新蒲崗設智能家居體驗中心，Yeelight Pro 及 Eve MotionBlinds 香港獨家代理，持保安公司牌照及註冊電業承辦商。
認識我哋 →
